KAL en ZÈNG PLAT deil2!
05 september 2026 13:00 t/m 23:59
In de wei naeve Brasserie De Maar
Nao aanleiding van t sukses van de eesjte Kal en Zèng plat middig hub ich besjlaote om dr ein 2e editie aan te waage.
De aandach veur os Mooderstaal, os sjoon Limburgse dialecten, blif veurop sjtaon.
Daorom mein ich auch weier ein sjoon programma veur uch te hubbe saamegesjteld.
Veer beginne mit de 'Beekdaeler Muzikanten' die Limburgse leidjes op z'n Böhmisch / Märish oetvuijere (lekker geneite van blaosmeziek).
Daonnao komme Tonnie's Gitanos weier terruk en die maake LimboGypsy.
Vervolgens geit de 'Feurthstreet Lumber Factory Jazzband' op zien Dixielands dialek leidjes veur uch brenge.
En es letste, en dao ben ich erg greutsj op, hub ich neemes minder dan 'Minsekinder' bereid gevonge om deze zaoterdig aaf te sjleite.
Dit wurt eine ramsjieke middig/aovend en ein ruig optraeje van Minsekinder.
Mit hunne unieke Limburgstalige dansmix van Salsa, Reggae, TexMex, Rock-‘n-Roll, Highlife en anger sjtiele, maake ze jeder optraeje tot ein groot fees. Sjtilsjtaon is gein optie.
(Kenjer onger 12 jaor maoge veur niks benne maar kleurplaate, sjprengkusses en ipads motte de awwesj zelf mitnumme).
Ein kaertje kos €16,50 (incl. service- en iDEAL koste)
(auch de kirk en de fruitbuim zulle weier sjoon in t leich gezat waere.
Foodtruck is aanwezig.
Brasserie De Maar zurg weier veur ein lekker pilske, specijaalbeier van broewerie De Maar en frisj en wien.
In de wei naeve Brasserie De Maar