Hawfvaste Zitting 2022

Kakelbóntj! Ein in coronatied opgerichde vereiniging, besjtaonde oet een gróp jong vrouwluuj oet Zitterd. Vurig jaor haet Kakelbóntj ein succesvolle online vrouwluujzitting georganiseierd. Ouch dit jaor wilt Kakelbóntj zich weier inzètte om ein hawfvaste zitting te organiseiere, allein dits keer ein zitting, neit allein veur häör, maar ouch veur häöm.

Waat is ein hawfvaste zitting zónger thema! Veer nömme uch mit trök in d’n tied. Trök nao de tied dat ver onbezörg kènne geneite, sjpass en ammezase de baovetoon veure, en ’t zönke euver Zitterd sjient. Mer gaon veer ouch nao vruiger jaore haer? Kom dan nao ós zitting.